Restaurant
წესები და პირობები
ბოლო განახლება: 2026 წლის 22 ნოემბერი
ეს წესები აწესრიგებს სისტემით Restaurant (restaurant.eaudit.ge) სარგებლობას. სისტემაში რესტორნის ჩართვით ან მასში მუშაობით ეთანხმებით ამ წესებს.
1. მომსახურების მიმწოდებელი
შპს „ელიტ აუდიტი“ (ს/კ 400056372), ქ. თბილისი, ლუბლიანას ქ. 13ბ. ელფოსტა: mail@eaudit.ge, ტელეფონი: 598 21 27 01.
2. რა არის Restaurant
ბრაუზერში მომუშავე სისტემა რესტორნისთვის: მიმტანის სენსორული ტერმინალი, შეკვეთის გაგზავნა სამზარეულოს სადგურებზე (თერმო პრინტერი ან ეკრანი), მაგიდების გაერთიანება და გაყოფა, წინასწარი ანგარიში, გადახდის აღრიცხვა, დღის დახურვა და ანგარიშები.
3. ანგარიში და წვდომა
- რესტორანს მოთხოვნის საფუძველზე ჩვენ ვრთავთ; თანამშრომლებს დირექტორი / ადმინისტრატორი თავად ამატებს მენიუდან „პერსონალი“.
- როლებია: დირექტორი / ადმინისტრატორი, მენეჯერი და მიმტანი. თითოეული როლი ხედავს და აკეთებს მხოლოდ თავისი როლით დაშვებულს.
- მართვის პანელში შესვლა ხდება Eaudit-ის ერთიანი ანგარიშით (id.eaudit.ge), ტერმინალზე — პირადი PIN-ით. PIN-ისა და ანგარიშის დაცვაზე პასუხისმგებელია მისი მფლობელი; PIN-ით შესრულებული მოქმედება მის მფლობელს მიეწერება.
4. ფასი და გადახდა
ფასი და გადახდის პირობები რესტორნის ჩართვისას წერილობით შეთანხმდება. ფასის ცვლილების შესახებ წინასწარ, ელფოსტით შეგატყობინებთ; უკვე გადახდილ პერიოდზე ცვლილება არ ვრცელდება.
5. გადაუხდელობა
- ვადის გასვლიდან 7 დღის განმავლობაში გიგზავნით შეხსენებას; ამ დროს სისტემა ჩვეულებრივ მუშაობს.
- ამის შემდეგ წვდომა ჩერდება გადახდამდე.
- მონაცემები გადაუხდელობის გამო არ იშლება; გადახდისთანავე წვდომა აღდგება.
6. მონაცემები
რესტორნის მიერ შეტანილი მონაცემები რესტორნისაა. მათ ვიყენებთ მხოლოდ მომსახურების მისაწოდებლად. ყოველი რესტორნის მონაცემები სხვებისგან გამიჯნულია და ინახება ევროკავშირში (ფინეთი). პერსონალური მონაცემების დამუშავებას აღწერს კონფიდენციალურობის პოლიტიკა.
7. ფისკალური ჩეკი, ბანკის ტერმინალი, აღჭურვილობა
- სისტემა არ არის საკასო აპარატი. ფისკალურ ჩეკს რესტორანი საკუთარი, რეგისტრირებული სალარო აპარატიდან ბეჭდავს; სისტემის „წინასწარი ანგარიში“ ფისკალური დოკუმენტი არ არის.
- ბარათით გადახდა სრულდება რესტორნის საბანკო ტერმინალზე; სისტემა მხოლოდ აღრიცხავს გადახდის საშუალებას და თანხას.
- პრინტერებს, ტერმინალებს, ქსელს და ბეჭდვის აგენტის კომპიუტერს რესტორანი უზრუნველყოფს.
8. მხარეთა პასუხისმგებლობა
- სისტემა აღრიცხვის ინსტრუმენტია. ფისკალური ჩეკის გაცემაზე, სალაროს ნაღდ ფულზე, ფასებსა და საგადასახადო ვალდებულებებზე პასუხისმგებელია რესტორანი.
- ჩვენ ვზრუნავთ სერვისის უწყვეტ მუშაობაზე და მონაცემთა ყოველდღიურ სარეზერვო ასლზე. ტექნიკური სამუშაოს ან ხარვეზის დროს სერვისი შეიძლება დროებით შეფერხდეს; ასეთ დროს ვცდილობთ მის სწრაფ აღდგენას.
- აკრძალულია სერვისის გამოყენება კანონსაწინააღმდეგო მიზნით, სხვისი PIN-ით ან ანგარიშით სარგებლობა და სისტემის მუშაობაში ჩარევის მცდელობა.
9. მხარდაჭერა
კითხვა ან ხარვეზის შეტყობინება გამოგვიგზავნეთ ელფოსტით mail@eaudit.ge ან ტელეფონით 598 21 27 01.
10. ცვლილებები
წესების განახლებისას შეიცვლება გვერდის თავში მითითებული თარიღი. არსებითი ცვლილების შესახებ დარეგისტრირებულ მომხმარებლებს ელფოსტით შევატყობინებთ.